خداى بښلى ستورى صاحب نه يوازې د خپلې كورنۍ لپاره، بلكې د ټولو پښتنو او افغانانو لپاره خورا ستره ضايعه ده. زه شخصاً ټولو پښتنو او افغانانو ته او په خاصه توګه د ستوري صاحب شريفې او محترمې كورنۍ ته د زړه لوى صبر غواړم.

د ډاكتر صاحب ستوري مړينه د ټولو افغانانو لپاره يوه لويه ضايع بولم.

پښتو ژبې او پښتنو له ډېره بده مرغه يو ډېر قدرمن خواخوږى له لاسه وركړ او دا هغه څه دي، چې ما پرلپسې ځوروي

ډاكتر كبير ستورى د ټولو پښتنو په سر روښانه او ځلېدونكى ستورى و او په هر ځاى او په هر چا ځلېدلى و.

ګرانه ماما! په پښتون قوم كې دې خداى (ج) داسې نور خلك پيدا كړي، چې ستا ځاى ونيسي.

د محترم ورور كبير ستوري په شخصيت او خدمتونو څه ليكل څه وخت او ډېرو پاڼو ته ضرورت لري، خو زه به همدومره ووايم، چې د كبير ستوري هغه خدمتونه چې د پښتو ژبې او پښتنو لپاره يې كړي، هېڅكله د هېرولو وړ نه دي او د تل لپاره به د سيد جمال الدين افغان…

خداى بښلى ډېر سنر پښتون و، د كبير ستوري په شان پښتانه دې خداى په دې خاوره پيدا كړي، چې له خپلې ژبې او قوم سره مينه وكړي. روح دې يې ښاد وي.