ستورى صيب زه له هغه وخت راهيسې پېژنم، كله چې ما په جرمني كې د پاكستان په سفارت كې كار كاوه. هغه يو رښتينى شخصيت و، زما ورسره ډېره مينه وه، هغه خپل ټول ژوند پښتو، پښتونولۍ او سولې ته وقف كړى و. هغه به هېڅكله زموږ له ياده ونه وځي .

ښاغلى ماما صيب زما د مسافرۍ ملګرى و، ما په ژوند كې تراوسه پورې ډېر پښتانه ليدلي دي، خو د ماما صاحب په شان واقعي پښتون نه وينم او نه مې تراوسه پورې ليدلى دى.

زما ورور او د سياسي لارې ملګرى همېشه ژوندى دى او ژوندى به وي او د هغه سياسي او پښتني فكر او نظريه به مخ په وړاندې بوځو، چې اروا يې خوشحاله وي.

ډاكتر كبير ستورى واقعاً د ځلېدونكي ستوري په شان د پښتونخوا په تاريخ كې خپل ځاى پرېښود. پر پښتو مېن او د پاك صادق زړه خاوند و.

ګرانه كبير ستورى! ته رانه لاړې او موږ دې په دې دنيا كې يوازې پرېښودلو

زما ګران ملګری کبیر ستوری د پښتون ملت د يووالی لپاره نه ستړیکیدونکی صادقانه خدمتونه کړی دی چې زمونږ په زړونو کې به تل پاتی وی . ارواښاد ستوری زمونږ نه ډیر ژر او بی وخته جدا شو اروا دی ښاده وی .

زه ریاض د خدای بخښلی ډاکتر کبیر ستوری په مرګ ډیر خفه یم د دوی د ټول فامل سره په دی لوی غم کې شریک یم د خدای بخښلی ډاکتر کبیر ستوری دا مرګ د ټولو پښتنو یو لوی تاوان ګڼم

ارواښاد عبدالكبير ستورى ډېر لوړ ادبي شخصيت و، د پښتو ژبې او ادب په برخه كې يې نه هېرېدونكي خدمتونه سرته رسولي دي. دده مړينه پښتو او پښتنو ته نه جبران كوونكې ضايعه ده. لوى څښتن تعالى دې نوموړى مرحوم وبښي او د دوى ورثې ته دې خداى صبر، حوصله او زغم په برخه كړي.…

څوك د ځان لپاره مړ شي نوم يې ورك شي د چـــا مرګ د ټول ولس دپــــاره مـــرګ وي.

د كبير ستوري مرګ زموږ د ټول ګوند دپاره د غم خبر دى. د كبير ستوري په جرمني او يورپ كې دوه تنظيمونه “پښتون سوشل ډيموكريټك پارټي او د پښتنو كلتوري ټولنه” ټول عمر يې د قام پرست عوامي نشنل پارټۍ سره كلك تړون پاتې شوى دى. كبير ستورى د باچا خان بابا او ولي…