ته يوازې د خپلې كورنۍ څخه نه يې تللى، بلكې ته له پښتون قوم څخه تللى يې. ته له هغه انسانانو څخه يې، چې پښتون قوم لپاره يې ډېر خدمتونه كړي او ډېرې قربانۍ دې وركړي دي.

د ډاكتر كبير ستوري وفات پښتو كلتور او ادب ته، د پښتنو ټولنيز ولسوليز ګوند ته او ټول پښتون قام ته يو نه جبرانېدونكى نشتوالى دى، چې په دې غميزه كې ټول خلك په تېره بيا د ادب، هنر او افغاني كلتور پښتني ټولنه د ارواښاد ستوري غمشريك دي.

پاک خدای دی وبښی په ډیر احترام .

د قدر وړ ورور كبير ستورى، چې يو نوميالى پښتون و او د پښتو او پښتونولۍ او د پښتنو د ملي يووالي دپاره يې د خپل وس خدمتونه كړي او په مړينه به يې نه يوازې كورنۍ غمجنه وي، بلكې د ټول پښتون قوم دپاره قدر شخصيت يوه ستره ضايعه ده. روح دې يې ښاد…

خداى بښلى ډاكتر كبير ستورى په رښتيا يو ستورى و او د هغوى بې وخته د دنيا نه تلل، پښتو ادب او موږ ته ډېر نقصان دى او زه دا غم په لفظونو كې نه شم احاطه كولاى .

ښاغلي كبير ستوري رحلت د ټول پښتون قوم دپاره يوه عظيمه صدمه ده. هغه ته لا زموږ سترګې وې او په زړه كې مو ډېرې هيلې او اميدونه، چې د پښتو ژبې او پښتون قام د حقونو د مبارزې په سفر كې به څنګ په څنګ سره وړاندې ځو. مرګ حق دى، خو په بې…