موږ به ټول ستا په لار روان يو او ستا د لارې مقتديان يو.

د پښتو د اسمان انګړ د كبير ستوري په مړينه خالي شو. هغه پښتني پښتون زموږ له څنګه لاړ.

ارواښاد ستوري صاحب له پښتنو او پښتونولۍ سره ستره مينه لرله او په همدغه اساس يې د خپل ژوند زياته برخه په دغه لاره كې وقف كړې وه.

د ورور ډاكتر كبير ستوري مړينه په پښتون لوى قام كې لويه تشه بولم. په دې هيله چې د پښتون قام ستوري د همدې “ستوري” په څېر وځلېږي.

ګرانه ماما! خداى دې خاورې درسره هم وبښي، ډېر بې وخته رانه لاړې، پښانه يو ځل بيا يتيمان شول.

ارواښاد كبير ستورى د خپل نوم مطابق د تعليم يافته افغانانو ستورى و. ده له وطن څخه بهر د روشنفكرانو او د وطن د محبانو لپاره يو داسې سازمان رامنځ ته كړى و، چې د افغانانو د خدمت لپاره د هغوى غږ او غېرت يو كړي. زه پخپله دده د محبت پوروړى يم . خداى…

الله تعالى دې ډاكتر كبير ستورى وبښي. په رښتيا سره دى د پښتو د ادب ځلانده ستورى و او دده كارنامې او كړنې د هېچا نه پټې نه دي. دده مړينه د وطن، د پښتنو، د سيمې او زموږ او ستاسودپاره غټه ضايعه او تاوان دى. اّمين

ارواښاد ډاكتر كبير ستورى د پښتو د پوهنيز اسمان يو ځلانده ستورى داسې مهال د پښتنو د برخليك له اسمانه راپرېووت، چې موږ ټول يې په تورتم كې پرېښودو. پاك رب دې د كبير ستوري ځاى نه تشوي، پر پښتنو دې نور داسې ستوري ولوروي، چې اووله يې ښاده وي

دوه خبرې په پښتنو كې ډېرې مشهورې دي او دغه دواړه خبرې د پښتنو د ژوند معيار او د سړيتوب معيار جوړوي يا ټاكي. يوه خبره دا چې خلك وايي “سل دې ومره، يو دې مه مره” او دويمه دا چې “په خوړ كې هر كاڼى سپر نه وي”. محترم ډاكتر كبير ستورى په دې…

خداى بښلى ستورى صاحب نه يوازې د خپلې كورنۍ لپاره، بلكې د ټولو پښتنو او افغانانو لپاره خورا ستره ضايعه ده. زه شخصاً ټولو پښتنو او افغانانو ته او په خاصه توګه د ستوري صاحب شريفې او محترمې كورنۍ ته د زړه لوى صبر غواړم.