ډاكتر كبير ستورى هغه سپېڅلى انسان او پښتون و، چې مړينه به يې يقيناً د پښتنو روڼ اندو لپاره درنه ضايع او دده د بې شمېره دوستانو لپاره د زړه ژور ټپ دى.

د ډاكتر كبير ستوري په مړينې سره د افغانستان د خلكو د ملي او وطنپرستو شخصيتونو په شمېر كې كمبود پيدا شو. موږ او ټول افغانان د هغه ملي او مترقي كارونه او زحمتونه تل په قدرانۍ سره يادوو او د هغه پاك ارمان ته د رسېدو په لاره كې د ټولو افغانانو برياليتوب غواړو.

د پردېسۍ په ساه وژونكي ژوند كې د سرونو جنازې روانې دي. ستورى زموږ د هېواد او د پښتو د ادب لوى ستورى، د انسان د هوساينې د لارې ارام، خو نه ذيل كېدونكى مبارز شخصيت و. پښتانه وايي “سل دې ومره، يو دې مه مره” په ډېره خواشينۍ سره چې دا هم رانه لاړ.…

د ګران ستوری د مرګ په هکله ډیر ډیر خفکان ښکاره کوم .

ډیر محترم ستوری لالا صاحب چې کوم خدمت د پښتو ژبې د پاره کړیدی دا نه هیریدونکی دی دلالا صاحب ددې خدمت په اساس هر پښتون په افتخار کړی او هر پښتون ته لا زمه ده چې د ستوری په قدم باندی قدم کیږدي او د هغې دا ارمان سرته ورسوی چې لر او بر…

زه د ډېر محترم ارواښاد ډاكتر صاحب ستوري د مړيني له كبله خپل ژور تاثرات د دوى محترمې كورنۍ ته وړاندې كوم. ارواښاد ته د پاك خداى (ج) له دربار څخه مغفرت غواړم او محترمې كورنۍ ته يې صبر جميل. پاك خداى دې وبښي.

كبير ستورى ډېر لوى پښتون و، فكرونه او خيالونه يې ټولو نه بېل بېل وو. په خپل قام باندې ډېر زيات مېن و، په ټول يورپ كې په رښتيا ستورى و. د پښتون قوم يووالى د هغه د ژوند مقصد و. دا مبارز زما ډېر نږدې دوست و.

نن موږ دا احساس كولى شو، چې موږ د يو ډېر ښه پښتون قام دپاره يو ښه مبارز نه محرومه شو. الله دې ډاكتر كبير ستوري ته په جنت الفردوس كې ځاى وركړي. د هغه د كورنۍ غړيو ته د زړه ته صبر وركړي او موږ ته توفيق راكړي، چې د هغه مشن جاري وساتو…

محترم خداى بښلى ډاكتر كبير ستورى د تاريخي افغانستان يو وتلى سياسي مبارز و ، چې نه يواځې په اّزاد افغانستان كې، بلكې په محكوم افغان وطن كې هم په سياسي مبارزينو كې يو ډېر محبوبيت لرونكى قومي ولسي مشر و. خداى بښلى ډاكتر صيب د لر او بر افغان ملت د ملي وحدت پلوى…

د كبير ماما يو مرګ زما لپاره څو مرګونه دي. ديو معنوي پلار مرګ، د يو استاد او لارښود مرګ، د يو خوږ ملګري مرګ او همدا راز سياسي او ادبي ځانته والى. د هغه خاطرې او لارښوونې زما د ژوند ارمانونه او پوره والى دى .