د عوامي نيشنل پارټۍ مشر اجمل خټك ويلي دي، چې كبير ستورى په سياسي ډګر كې د لر او بر پښتنو د يووالي دپاره نه ستړي كېدونكې هلې ځلې كړي دده مړينه د پښتون ولس دپاره ستر زيان دى. هغه زياته كړه، چې د نوموړي په مرګ ټول پښتانه خپه دي. هغه يو ملي او منلى شخصيت و او د كوزې او برې پښتونخوا د اديبانو او پښتنو په زړونو كې خاص ځاى لري.
دا خبرې د پښتنو ملي شاعر او سياسي مشر اجمل خټك په سپين جومات كې د كبير ستوري د فاتحې د مراسمو په غونډه كې د وينا په وخت وكړې او زياته يې كړه، چې د كبير ستوري خدمات د پښتنو او پښتو ادب لپاره د هېرېدو نه دي .