په ډېرې خواشينۍ سره مو خبر ترلاسه كړ، چې د پښتنو د ټولنيز ولسوليز ګوند مشر، د علم او قلم خاوند ارواښاد ډاكتر كبير ستوري د زړه د ناروغۍ له كبله ددې فاني دنيا څخه سترګې پټې كړې.
موږ ددغه ادبي، وګړنيز،كلتوري او سياسي شخصيت مړينه نه يوازې د دوى درنې كورنۍ ته، بلكې ټول افغان ولس ته يوه لويه ضايع ګڼو او د پاك خداى له درباره دوى ته د بښنې او مغفرت او د كورنۍ ټولو غړيو، مينه والو او خواخوږو ته يې د صبر او استقامت غوښتنه كوو.
قالو انا لله و انا اليه راجعون
چــــې پيـدا شوې تا ژړل خلكو خندل
داسې ومره چې ته خاندې خلك ژاړي.
په درنښت
د افغاني كلتوري ټولنې مشر
محمد حسين شېرزاد