زما په نظر خداى بښلى ډاكتر كبير ستورى په اّلمان كې د پښتنو سفير و. هغه به په المان كې د پښنو ترجماني كوله، هغه په المان كې د پښتون ولس مسئلې، كړاوونه او ستونزې د قلم او وينا په ذريعه نړۍ ته رسول غوښتل او د خپل ولس د وحدت سوچ عملي كول د هغه مرام و.
د ډاكتر كبير ستوري سره زما پېژندګلوي د 1980كال راهيسې وه. هغه په خپلو ادبي، سياسي او ثقافتي دستورو (غونډو) كې همېشه د پښتنو د مسئلو، كشالو او ستونزو اواز اوچت كړى و.
نن سبا چې پښتانه د كومو حالاتو سره مخ دي او كومې ستونزې چې پښتنو ته ورپېښې دي، دا پېشنګوي (وړاندوينه) به ډاكتر صيب د 1982په شاوخوا كې كوله. ددې نه داسې برېښي، چې هغه يو ويښ، باشعوره او د حالاتو په رموز پوهه سياستمدار و.
د كبير ستوري مرګ زموږ د ټول قام پرستانو او لر و بر پښتنو ته يو ډېر لوى زيان (تاوان) دى، خداى دې وكړي چې موږ د هغوى له سوچ او فكر سره وړاندې لاړ شو.
يادونه : دا ليکنه د ډاکتر کبیر ستوري « ژوند او مبارزه » په نوم کتاب كې، چې د پښتونخوا د پوهنې د دېرې لخوا د 2007ع کال د مارچ په مياشت كې چاپ شوې دی ، خپره شوې ده.
ښاغلى شميم شاهد
ژورنالست ، لیکوال، بيورچيف ورځپاڼه دي نېشن
Writer, Journalist, Chief Editor of “The NATION”