Dr. Kabir Stori ډاکتر کبیر ستوری
News Biography Books Publications Visits & Meetings Speeches Music Images Stori_Magazine Qur'an_Sharif Memories Articles Poetry

دلوی، مهربان او بخښونکي خدای پاک په نامه      د ارواښاد ډاکتر کبير ستوري انټرنيټي ديری ته هرکله راشۍ

په جرمنی کی دډاکتر کبير ستوری د دریم تلين ياد غونډه جوړه شوه

په المان کی د کونړ د ځوانانو کولتوری ټولنی له خوا د 2009 ع کال د Mai د مياشتی په نهمه (9 ) نېټه دشنبی (خالی) په ورځ د کولن په ښار کی دهیواد، پښتنی کولتور او ادب ریښتیني خدمتګار ارواښاد ډاکتر کبير ستوری د دریم تلين ياد غونډه او ازاده مشاعره جوړه کړه .
پدی غونډه کې د هيوادنامتو پوهانو، سیاسی او ټولنیزو ، ولسی او ادبی سړیتوبونو(شخصیتونو) ، مشرانو، او شاعرانو ګډون کړی ؤ.
غونډه د مازیګر په اووه بجو د ښاغلی انجنیر مطیع الله روفی له خوا پیل شوه.
ورپسی ښاغلی الحاج محب الله روفی د قران کریم څو مبارکو ایاتونه تلاوت کړل او د ارواښاد کبیر ستوری روح ته دعا وشوه.
ورپسی دکونړ د ځوانانو د کولتوری ټولنی په استازیتوب د کار د ډلی غړی ښاغلی انجنیر فریدالله ساپی ګډون والو ته په هرکلی سره خپله پرانستونکی وینا واوروله او او په لنډه توګه يې دارواښاد ډاکتر کبير ستوري پر ژوند او شخصيت رڼا واچوله.
د غونډی لومړی وینا وال ښاغلی الحاج ډوکتور ډګروال حضرت رسول د ارواښاد ستوری د ټولنیز شخصیت د ځانګړ تیاو تر سرلیک لاندی خپله ارزښتناکه مقاله واوروله، چې دارواښاد ستوري د ټولنيز چال چلند او شخصيت په اړه يې په زړه خبرې درلودې.
ورپسی ښاغلی هدایت الله خان بنګش د پښتو او پښتونولئ سره د ستوری مینه او پدغه لار کی د هغی لیوالتیا تر سرلیک لاندی خپله لنډه وینا واوروله او د يوه سوچه او سپېڅلي پًښتون په توګه يې د ارواښاد ستوري انځور د اورېدونکو مخې ته کېښود.
د مقالو په دغه لړ کی ښاغلی محمد رحیم یوسفی په اوسنی عصر کی د پښتو ژبی کولتوری او ادبـي خوځښتونو ته د لنډی کتنی تر سر لیک لاندی خپله ارزښتناکه او څیړنیزه مقاله واوروله.
بيا ښاغلی محمداجان یار د ارواښاد کبیر ستوری د دریم تلین په ياد خپل په زړه پوری شعر ولوست اودستوری په ادبی اړخ ئی خپله لیکنه واوروله او د اوراښاد ستوري علمي آثارو او ادبي تخليقاتو ته يې يوځغلنده نظر واچوه.
تر يار صيب وروسته ښاغلي ډاکتر خوشال روهي د ارواښاد ستوري په هېواد کې د اوسني ناورين په اړه او د ستوري د ولس پر اوسنيو بدمرغيو خبرې وکړې او هيله يې وښوده ، چې د ستوري له ارمانونو سره سم د پښتون ولس د ژغورنې لپاره لاسونه سره يو شي.
د علمي برخې په پای کې الحاج فضل الرحمان له ارواښاد ستوري سره خپلې ګډې خاطرې بيان کړې ، چې د حاضرينو لپاره ډېرې په زړه پورې وې. د حاجي صيب له دوعا سره د غونډې علمي برخه پاي ته ورسېده.
دغه راز ددی غونډی د جوړیدو په مناسبت دراغلو پیغامونو له منځ نه د هیواد د پیاوړی شخصیت ډاکتر رحمت ربي زیرکیار له خوا رالیږل شوی پیغام د ټولنی د کار د ډلی غړی ښاغلی سید رحیم یوسفی لخوا ولوستل شو.
د غونډی دویمه برخه مشاعري ته ځانګړی شوی وه، چی د سټیج چاری ئی ښاغلی خالد سا پی مخ په وړاندی بیولی د مشاعری لپاره دغوښاغلیو شاعرانو تیاري نیولی ؤ : ښاغلی الحاج فضل الرحمن شیر،ښاغلی محمداجان یار، ښاغلی امان الله عاجز، ښاغلی روښان احمدزی، ښاغلی عزیز سرشار، ښاغلی خالد ساپی، ښاغلی نسیم ستوری، ښاغلی وسیم لایق، ښاغلی خیبر يوسفی،ښاغلی زلمی قاضی خیل،ښاغلی کټوازی،ښاغلی مطیع الله روفی ، ښاغلی ارین بهار، ښاغلی همایون اپریدی. ښاغلی انجنیر فریدالله ساپی او ښاغلی پیښوري شینواری.

دغونډی په پای کی کونړ د ځوانانو د کولتوری ټولنی له خوا په پریکړه لیک دافغانستان د اسلامی جمهوریت د واکمنو څخه غوښتنه وشو چی دکونړ ولایت یوه لیسه اویا دخاص کونړ په ولسوالئ کی یوه لیسه د ارواښاد ډاکتر کبیر ستوری په نامه ونوموی.
غونډه دشپی په یولسو بجو پای ته ورسیده .

د پښتونخوا ويب پانی او د روهي ويب پانی نه په مننه

د غونډی مکمله ویډیو او اوډيو به وروسته پرليکه شی


















































































































































































































































د پښتونخوا ويب پانی او د روهي ويب پانی نه په مننه
- -

 بېرته شاته

Poetry & Literature       Condolence_Messages       Funeral & Condolences       Contact       Articles_in_Media       Web_Radio_Links       Websites

ساه مې واخله خو پښــتو رانه وانه خلی      زه پښــتون یم په پښـتو باندې پتمن یم      كه زما ستوري په قبر چېرې راشې      په پښتو راته دعا كړه پرې مېن يم


Sah Mee Wakhla Kho Pokhto Rana Wanakhle      Ze Pakhtoon Yem Pa Pokhto Bandey Patman Yem      Ke Zma Stori Pa Qabar Tscheri Rashey      Pa Pokhto Rata Dua Kawa Prey Main Yem

Chief Admin/Editor :  Emal Stori  => emalstori@gmail.com     Copyright © 2006 - 2016     kabirstori.com     All  Rights  Reserved     Khost-Web.Net-Stori    


      ويکيپېډيا   =>  ډاکټر کبير ستوری     For Site Best View, Please  =>   Download-Pashto-Fonts    PSDP  =>  pashtoonkhwa.com    Wikipedia  =>  Kabir-Stori