Dr. Kabir Stori ډاکتر کبیر ستوری
News Biography Books Publications Visits & Meetings Speeches Music Images Stori_Magazine Qur'an_Sharif Memories Articles Poetry

دلوی، مهربان او بخښونکي خدای پاک په نامه      د ارواښاد ډاکتر کبير ستوري انټرنيټي ديری ته هرکله راشۍ

ډېر خوږ انسان و

زه چې كله هم كبير ستورى صيب يادوم، نو تاسې باور وكړئ، چې ماته ژړا راځي، ځكه د هغه مثالي نشته. هغه زما سره دومره مينه كړې، چې زه يې هېرولى نه شم.
په 1992م كال زه چې كله له خپلو ملګرو سره د هغوى په بلنه جرمني ته لاړم او هلته مې له ستوري صيب سره ليده كاته وشو او بيا چې يې زموږ كومه مېلمه پالنه وكړه، نو ما دا محسوسه كړه چې چاته يو ورك ورور په لاس ورشي. زما سره چې نور څومره هنرمندان ملګري وو، د ټولو يې ډېر زيات قدر وكړ، خو زه پرې ډېر زيات ګران وم. د هغه ټولو بچو او مېرمن چې زه ورته د ډير عزت نه (مور) وايم، ماته ډېر درانه كتلي او زه هغه لمحې (شېبې) هېڅكله نه شم هېرولاى.
د ستوري صيب په شان پښتانه ډېر كم پيدا كېږي. كله چې هغه پېښور ته راغى، نو زه سلام ته ورغلم. د هغه په مخ خندا خوره وه. ډير مينه ناك انسان و، ډېر خوږ انسان و، په ډاكتر صيب كې ما د هېڅ شي كمى نه دى محسوس كړى. زه چې اوس كله هغه رايادوم، نو تاسو يقين وكړئ، چې زړه مې كړېږي، ساه مې ونښلي، ځكه چې هغه د هر پښتون خواخوږى و، خو زما ورور و، زما يار و. زه ځان د هغې د احسانونو پوروړى ګڼم. ډېر بې وطنه رانه لاړو، ډېرم بې وخته. خداى دې وبښي.

يادونه : دا ليکنه د ډاکتر کبیر ستوري « ژوند او مبارزه » په نوم کتاب كې، چې د پښتونخوا د پوهنې د دېرې لخوا د 2007ع کال د مارچ په مياشت كې چاپ شوې دی ، خپره شوې ده.

ښاغلى استاد خيال محمد
د پښتو موسيقۍ بابا
Ustad Khyal Mohammad
De Pokhto Mosequai Baba, Father of Pashto Music
- استاد خيال محمد -

 بېرته شاته

Poetry & Literature       Condolence_Messages       Funeral & Condolences       Contact       Articles_in_Media       Web_Radio_Links       Websites

ساه مې واخله خو پښــتو رانه وانه خلی      زه پښــتون یم په پښـتو باندې پتمن یم      كه زما ستوري په قبر چېرې راشې      په پښتو راته دعا كړه پرې مېن يم


Sah Mee Wakhla Kho Pokhto Rana Wanakhle      Ze Pakhtoon Yem Pa Pokhto Bandey Patman Yem      Ke Zma Stori Pa Qabar Tscheri Rashey      Pa Pokhto Rata Dua Kawa Prey Main Yem

Chief Admin/Editor :  Emal Stori  => emalstori@gmail.com     Copyright © 2006 - 2016     kabirstori.com     All  Rights  Reserved     Khost-Web.Net-Stori    


      ويکيپېډيا   =>  ډاکټر کبير ستوری     For Site Best View, Please  =>   Download-Pashto-Fonts    PSDP  =>  pashtoonkhwa.com    Wikipedia  =>  Kabir-Stori