مونږ د خپلو هغه ټولو خواخوږو او مينه والو د احساس او جذبو احترام كوو، چې د ارواښاد ډاكتر كبير ستوري سره د هغه په ژوند او مرګ په حواله يې خپل تړون د لفظونو په چوكاټ كې راونغښتو.
اوس دغه انټرنيټي ديره (ويب پاڼه) د تاريخ داسې يوه برخه ده، چې راتلونكي وختونه به ترې د ډاكتر كبير ستوري د ژوند او مبارزې په حواله رڼا اخلي. ددې ټولو ليكوالو، پوهانو، اديبانو، شاعرانو او قام پرستو مشرانو ترڅنګ مونږ په خصوصي توګه د هیواد دننه او بهر سیاسی ، ملی ، ادبی ،کولتوری ، ټولنیزو ، پوهنیزو ـ دولتی او ولسی مشرانو او سړیتوبونو ، کولتوری ټولنو ، سیاسی ګوند ونو، ډله ایزو خبری رسینو او ویب پاڼو چې مونږ سره ځان شریک کړی او خواخوږۍ پیغامونه یی راليږی، په جنازه او فاتحو، یاد غونډو اومشاعرو کې ګډون ګړی دی. ډیره مننه او قدر د انی کوو.
مونږ په خصوصي توګه د خوست ویب پاڼی چلونکی نه یوه نړۍ مننه اود زړه له كومي ډیر قدردانی کوو، چې د ارواښاد ستوري لپاره دانټرنټ پر مخ یی ځانګړی انټرنيټي ديره (ويب پاڼه) پر ليکه کړی . همداشان د ورځپاڼې "وحدت" Wahdat ، ورځپاڼې "خبرونه" Khabaroona ، د مياشتنۍ ليكوال Leekwal ، ورځپاڼې "پښتون پوست" Pakhtoon Post او ورځپاڼې "جرګه" Jarga چې د ارواښاد كبير ستوري فكر يې د خصوصي ګڼو د چاپ په وسيله لر و بر پوهانو ته ورسولو او د ډاكتر كبير ستوري د ژوند په حواله يې ګټور معلومات وخت په وخت چاپ ته سپارلي او په تيره بيا د پښتونخوا د پوهنی دیری له اړخه « ډاکتر کبیر ستوری ژوند او مبارزه » ، « ژوندی یادونه » او د ډاکتر کبیر ستوری« کلیات » چاپ کړی او دانش خپروندویه ټولنی یو شمیر کتابونه د ستوری تلین په ویاړ چاپ کړی د زړه له كومي مننه او قدردانی کوو.
مونږ د خاص کونړ کولتوری ټولنی، د کونړ خپلواکه کولتوری ټولنی، دغنی خان ادبی کولتوری څيړنیزی جرګی، د کونړ میشتی فرهنګیانو، د خوست میشتو فرهنګپالو ،د پښتو عالمی کانګرس، د امریکا په شمالی کلیفورنیاکی افغانی کولتوری ټولنی، په ډنمارک کې پښتو کولتوری ټولنی، د افغان كلتوري بهير ، په كواټ کې د ملګري ليكوال خيبر ايجنسي، د پښتو ادبي چمن ټل ، د انجمن ترقي پسند مصنفين ، د ريښتين ادبي جرګې كواټ ، د قاسم علي اپريدي پښتو ادبي ټولنې، د لر او بر ليكوال ادبي جرګې ، د سپين غر پښتو ادبي جرګې ، په نړۍ واله انټرنيټي دیرې Paltalk کې د افغانستان د غیرتي پښتنو حجری او د پښتونخوا ساسي او ادبي بنډار ، په پېښور کې افغان ادبي ټولنی ، په المان کی د کونړ د ځوانانو کولتوری ټولنی ، د افغان ادبی یون « دیر » ، د روسیی فیدراسیون په سانکت پیټرس بورګ ښار کې دميشتو افغانانودټولنيز سازمان (افغانانو شورا) او ټرائیبل یونین اف جرنلسټس ـ پښتونخوا د ارواښاد ډاکتر ستوري په یاد پرتمنی غونډی او مشاعری په کونړ، خوست ،پېښور، كواټ، دیر، ټل ،امریکا، ډنمارک ، جرمني ، روسیه ، سانکت پترس بورګ او په خيبر پښتونخوا کې جوړی کړی د يادونی وړ یی ګڼو.
په ځانګړی توګه مونږ د خپل دروند مشر ستر پښتون، پر پښتو، پښتونولۍ او پښتونخوا مین او د عوامی نیشنل ګوند مشر ښاغلی خان لالا محمد افضل خان څخه ډیره زیاته مننه کوو چې هر وخت او هر ځای کی یی زمونږ لارښوونه او ملتیا کړی ده. له تاسو ښاغلو ټولو درنو پښتنو، ليكوالانو، پوهانو، اديبانو او شاعرانو نه د زړه له كومي هيله کوو چې خپلې ليكنې، شعرونه او که يادګيرنی د ارواښاد ډاكتر كبير ستوري په اړه لرۍ نو مونږ ته يی راولېږۍ. په پښتنه مينه

حاجي عبدالنصیر ستوری
دارواښاد ډاکتر کبير ستوري دانټرنيټي ديری بنسټ ايښودونکی
ايمل ستوری
دارواښاد ډاکتر کبير ستوري دانټرنيټي ديری دامتیاز څښتن او مسؤل چلوونکی