Dr. Kabir Stori ډاکتر کبیر ستوری
News Biography Books Publications Visits & Meetings Speeches Music Images Stori_Magazine Qur'an_Sharif Memories Articles Poetry

دلوی، مهربان او بخښونکي خدای پاک په نامه      د ارواښاد ډاکتر کبير ستوري انټرنيټي ديری ته هرکله راشۍ

په پېښورکې د کبیر ستوری د لومړی تلین یاد غونډه

د پښتو نړيوال ( عالمی ) کانګرس له اړخه په پېښور پریس کلب کې په 13.04.2007 نېټه د جمعی په ورځ د مازيګر په څلورو بجو د هيواد د ملی ، منلی سړيتوب ( شخصیت ) شاعر ، لیکوال ، ژورنالست ، څیړونکی او ساپوه ډاکتر کبیر ستوری د لومړی تلين پرتمينه غونډه او مشاعره جوړه شوه.
غونډه د قرانکريم د څو مبارکو اياتونو په تلاوت سره پرانستل شوه . د سټيج چاری ښاغلی ډاکتر عالم يوسفزی اوښاغلی حميد الرحمن « نادان » سرته رسولی . د غونډی مشر ميلمه د ( ANP)مرکزی مشر ښاغلی خان محمد افضل خان ( خان لالا) ؤ د کوربه په کرسۍ د پښتو عالمی کانګرس چيرمین پرفیسر ښاغلی جهانزيب نياز ناست . ښاغلی ډاکتر محمد اعظم اعظم ، ښاغلی ايوب صابر ، ميرمن معراج همايون ، ښاغلی ډاکتر شيرزمان طائزی اوښاغلی بصير بیدار ستوری خصوصی ميلمانه ؤ.
د غونډی په پیل کې د اريانا پوهنتون مرستيال پروفسر انور ظفری د ارواښاد ستوری په شخصی ، سیاسی او ادبی ژوند او هلو ځلو پوره رڼا واچوله او د هغه وخت يو څو خاطری هم ګډون والو سره شريکی کړی کومی چې هغه د ارواښاد ستوری سره په جرمنی کې تیری کړی وی همداراز ایډوکيټ ښاغلی قيصر خان ، پروفسر ډاکتر شاجهان سید ، ښاغلی معظم خان معظم ، ښاغلی ډاکتر شیرزمان طائزی ، د پښتونخوا ملی عوامی پارټۍ صوبائی صدر ښاغلی مختار يوسفزی ، پروفیسر جهانزيب نياز او دپښتون قامی وحدت لارښودښاغلی محمد افضل خان ( خان لالا) د ارواښاد ستوری په ژوند ، مبارزه او سړيتوب ( شخصيت ) هر اړخيزه رڼا واچواله او مقالی ئې ولوستلی . د ويناګانو په منځ منځ کې ښاغلی ارشد شاهکار، ښاغلی عرفان اله کوټوال،ښاغلی شبیردرانی، ښاغلی عبدالرحمن لوګی کاکا خيل ، ښاغلی شهاب الدین خټک ، خپل شعرونه حاضرينو ته واورول ورپسی د پښتو ستر ليکوال او شاعر ارواښاد ډاکتر صاحب شاه « صابر » روح ته په ګډه سره دوعا وشوه . او د پښتو عالمی کانګرس له خو د پښتو ژبی او ادب ته د نه هيریدونکو خدمتنو په اعتراف کې پروفیسر جهانزیب نياز ته د « ستوری ايوارډ » ورکړل شو چې همداراز د دانش خپروندويه ټولنی مشر ښاغلی اسدالله دانش ساپی ته د « ستوری ايوارډ » او د وحدت ورځپاڼی جائنټ ايډيټر ښاغلی پیر رحمدل شاه همدارد ته « ستوری ايوارډ » ورکړل شو.
د ارواښاد ستوری د لومړی تلين په ياد دانش خپرندويه ټولنی دری کتابونه چاپ کړی ؤ په همدی ورځ د وحدت ورځپاڼی ، خبرونه ورځپاڼی ، او پاکستان ورځپاڼی خپلی خپلی خصوصی ( ځانګړی ) ګڼی نشر کړی وی .
د غونډی دوهمه برخه د مشاعری برخه وه چې ګن شمير شاعرانو په کې برخه واخسته ، د سټیج چاری ښاغلی حميد الرحمن نادان تر سره کولی ، ښاغلی ودود اشنغری ، ښاغلی خيال اکبر اپریدی ، ميرمن شګفته ، ښاغلی ګل محمد مسرور اوښاغلی نصير ستوری خصوصی میلمانه او پروفیسر جهانز نياز کوربه و د شاعرانو او ليکوالانو سره سره ښاغلی پیر رحمدل شاه ، ښاغلی ارباب دوست محمد خان خليل ، ښاغلی سراج عارف اسد خان ، ښاغلی فریدون خان ،ښاغلی میا فاروق « فرق »، ښاغلی ډاکتر فضل دین خټک ، ښاغلی هشمت لودهی ، ښاغلی نثار خان ، ښاغلی لایق ذاده لایق، ښاغلی ډاکتر سیدعالم محسود ، او نورو ګن شمير ، پوهانو ، شاعرانو او ژورنالستانو ګډون کړی و . غونډه او مشاره د شپی په نهو بجو پای ته ورسيده.






















































































































































































































































 بېرته شاته

Poetry & Literature       Condolence_Messages       Funeral & Condolences       Contact       Articles_in_Media       Web_Radio_Links       Websites

ساه مې واخله خو پښــتو رانه وانه خلی      زه پښــتون یم په پښـتو باندې پتمن یم      كه زما ستوري په قبر چېرې راشې      په پښتو راته دعا كړه پرې مېن يم


Sah Mee Wakhla Kho Pokhto Rana Wanakhle      Ze Pakhtoon Yem Pa Pokhto Bandey Patman Yem      Ke Zma Stori Pa Qabar Tscheri Rashey      Pa Pokhto Rata Dua Kawa Prey Main Yem

Chief Admin/Editor :  Emal Stori  => emalstori@gmail.com     Copyright © 2006 - 2016     kabirstori.com     All  Rights  Reserved     Khost-Web.Net-Stori    


      ويکيپېډيا   =>  ډاکټر کبير ستوری     For Site Best View, Please  =>   Download-Pashto-Fonts    PSDP  =>  pashtoonkhwa.com    Wikipedia  =>  Kabir-Stori