Dr. Kabir Stori ډاکتر کبیر ستوری
News Biography Books Publications Visits & Meetings Speeches Music Images Stori_Magazine Qur'an_Sharif Memories Articles Poetry

دلوی، مهربان او بخښونکي خدای پاک په نامه      د ارواښاد ډاکتر کبير ستوري انټرنيټي ديری ته هرکله راشۍ

اسلام د سولې او خونديتوب






دا چې د نړۍ د بشر د حقوقو پوهانو د بشر د امنيت لپاره ځينې وضعي لارې چارې جوړې كړي دي او غواړي، چې د ځينو اصطلاح ګانو په كارولو سره د بشر د امنيت د پردې تر شا نورې موخې ولټوي، نو خپل شعار په نورو برلاسي ګڼي او وايي، چې ګويا مسلمانان شر اچوونكي دي، چې ښه بېلګه يې زموږ د ستر پېشوا د كاري كارتون نشرول دي، خو د يوه بې طرفه فكر خو داسې قضاوت هېڅكله نه شي كولاى او داسې نه ده او هېڅكله هم نه.
د اسلام د دين ټول ارشادات د بشر د هوساينې لپاره دي او د نړۍ د نظام د برقرارېدو لپاره رالېږل شوي دي، لكه څرنګه چې د نړۍ ستر قدرتونه غواړي، چې د نړۍ د ضعيفانو لاس نيوى وكړي، هغوى له ديكتاتورۍ څخه وژغوري او ولسونو ته نجات وركړي، نو د اسلامي ارشاداتو په رڼا كې دغه اصل د بشر له پيدايښتي غوښتنې سره سم د اللهج د لوري وضع شوي دي او فرمايلي يې دي:
‏وَمَا لَكُمْ لاَ تُقَاتِلُونَ فِي سَبِيلِ اللّهِ وَالْمُسْتَضْعَفِينَ مِنَ الرِّجَالِ‏ ‏وَالنِّسَاء وَالْوِلْدَانِ الَّذِينَ يَقُولُونَ رَبَّنَا ډَخْرِجْنَا مِنْ هَـذِهِ الْقَرْيَۍ‏ ‏الظَّالِمِ ډَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ‏ ‏نَصِيرًا.
ژباړه: او څه مانع ده تاسې ته چې جنګ نه كوئ په لاره د الله كې، د دين د ترقۍ لپاره او په خلاصولو د ضعيفانو كې، چې سړي دي او ښځې دي او ماشومان دي هغه كسان چې وايي دوى اى ربه زموږ اوباسه موږ له دې كلي له مكې څخه چې ظالمان دي اوسېدونكي د هغې او وګرځوه موږ ته د خپل درباره كوم ولي (حامي او ساتونكى) او وګرځوه موږ ته له خپل درباره مددګار.
نو اوس كه په دغه نص كې هر ذي عقل انسان فكر وكړي، له (14)پېړۍ مخكې د ضعيفو خلكو، د نارينه، ښځينه جنس او د ماشومانو په ملاتړ او پلوۍ د ظالمانو، تېري كوونكيو او د حق تلف كوونكيو په مقابل كې د جګړې اعلان شوى دى، نو اوس بيا څنګه د بشر، د ښځو او د ماشومانو د حقوقو په نامه يوه سپېڅلي دين ته د توندلارتوب ګوته نيول كېږي.؟ آيا دغه خلك چې د ذكر شوو افرادو حق غواړي، پخپله دعوه كې ددغه شرعي سند څخه مخكې دي؟
نه هېڅكله نه! اوس مهال چې څوك په نړۍ كې د فتنې د ختمولو هڅه كوي، چې بايد په نړۍ كې امن وي، نو دغه راز اللهج فرمايلي دي، چې:
وَقَاتِلُوهُمْ حَتَّى لاَ تَكُونَ فِتْنَۍ. البقره 193 ايت
ژباړه: له هغه شر اچوونكيو سره )مشركانو( سره تر دې وجنګېږئ، چې هېڅ نوعه فتنه پاتې نه شي. يانې صفا ستره امن وي او هغه عقايد، چې د نړۍ نظام ته ګډوډي راوړي، هغه ختم كړئ.
دغه ارشاد لا هم هغه شان ډېر لومړني دي، د بشر د سوكالۍ او آرامۍ لپاره تر دې، چې اوس خلك راپاڅېږي او وايي، چې مونږه نړۍ ته امن راوړو او د هر ډول مسئوليت حق يې د ځان شعار ګرځولى دى، چې كله ناكله يې ګوته زموږ سپېڅلي دين ته رابوڅېږي او له تحقيق پرته د اسلام سپكاوى كوي او همدا شان بيا فرمايي: تر دې پورې وجنګېږه، چې خلك په يوه الهي دين پاتې شي. يانې د جنګ نوره اړتيا پاتې نه شي او د ځمكې پرمخ د شرك، كفر، بې عدالتۍ، ظلم او فساد پرځاى د حق او عدالت حكومت ټينګ شي.
د اسلام دين د توندلارتوب پر ضد دى، هر څوك چې غواړي نړۍ ته شر راوړي، ظلم راوړي، فساد راوړي او د نړۍ د نظام د ګډوډېدو لامل شي، كه هغه تور دى، كه سپين دى، كه د شرق دى، كه د غرب دى، كه د شمال دى او كه د جنوب دى، له هغه سره د جنګ اعلان په دې موخه شوى دى، چې هغه نابود شي او نړۍ ارامه او سوكاله پاتې شي، نو اوس ددغه ارشاد له مخې څرنګه قضاوت كولاى شو، آيا ويلاى شو چې اسلام سوكالي او آرامي نه غواړي؟ حال دا چې د اسلام دين پخپل تلپاتي سند كې دغه خطاب وركوي.
عجيبه خبره خو دا ده، چې هغه دين ته چې هغه خلك انسانيت ته رابلي، اوس سپكاوى كېږي او ددغه دين تشريح كوونكى حضرت محمدص چې تل يې خپلو پيروانو ته لارښوونه كړې، چې خلك نيكو ته رابلئ او له بدو كارونو څخه يې منع كوئ او ايمان مو د يوه الله لاره خاص كړئ. دا ددې لپاره چې د نړۍ نظام صحيح وچلېږي او هر څوك د ټاكلې مودې پورې په امنيت، سوكالۍ، عزت او آبرو كې خپل ژوند وكړي، چې د ژوندانه په دوران كې له هر ډول تعذيب او تكليف څخه خلاص وي. د صحيح تحليل له مخې د اسلام دين د نړۍ د نظام او د بشر د ژغورنې لپاره رااستول شوى دى، د اسلام دين بشپړ دى، هغه د نړۍ اوسېدونكي، چې د دې دين په شتون كې خطر حس كوي، پخپله نيمګړتياوې لري. د خپلو نيمګړتياو پړه دې پر نورو نه اچوي. د اسلام تر سيوري لاندې هر څوك كولاى شي د ژوند تر پايه په امن او ابرو كې شپې تېرې كړي.
البته د نړۍ يو عادي وضعي قانون څومره محدويتونه لري؟ كه هر وګړى له هغه څخه سرغړونه وكړي، مجرم بلل كېږي. همدا راز اسلامي قانون هم حدودات او پولې لري. د اسلامي پولو ترمېنځ هر ډول وګړي كولاى شي له مزو او خوندونو څخه يو شانته ګټه پورته كړي. د سرغړاوي په صورت كې ددغه قانون د مالك مجرم بلل كېږي. هر آيين يو سرپرست لري او د هغه د تطبيق او څارنې چارې پرمخ وړي. همدا راز د اسلامي قانون واكدار حق لري، چې د خپل قانون د پلي كولو او څارنې په پاى كې مجرم ته سزا او مستحق ته مكافات وركړي.
نو اسلام داسې يو د سولې، امن او عدالت دين دى، چې له فساد جوړونكيو سره جنګ كوي، چې بې وزلو وګړيو ته )نارينه، ښځې او ماشومانو( ته امن راوړي او ان د حېواناتو حقوق هم ورپكې تامين دي. همدا ډول يې د سولې، جنګ، مړينې، ژوندينې، ماشومتوب، زښت ( بوډاتوب) ، ازاد، بندي، تور، سپين، ښځينه، نارينه، روغ او رنځور، پردي او خپل او په پاى كې يې د بشر پورې د اړونده حقوقو په ځانګړي ډول تاكيد او پاملرنه كړې ده.
اسلام د ترهګرۍ، شر او فساد، ظلم او تېري مخالفت دى. د سولې، امن او برياليتوب دين دى. همدارنګه د اسلام د دين له راتګ څخه دمخه په نړۍ كې د وينې بهېدنه، شر او فساد او د ګډوډۍ څادر خور و، چې د اسلام دين (اسلامي قانون )د انسانيت د هوساينې لپاره راواستول شو. كله چې خلك ددغه اسماني قانون لاندې راغلل، نو د ژوند ټولې چارې يې سمې شوې، ګډوډي او دښمني له منځه لاړه، چې زموږ ستر واكمن دغه ارشاد وفرمايه:
(وَكُنتُمْ عَلَىَ شَفَا حُفْرَۍ مِّنَ النَّارِ‏ ‏فَډَنقَذَكُم)
ژباړه: وئ تاسې پر غاړه د يوه كندې د هلاكت باندې، نو پس نجات مې دركړ تاسې ته له دغه هلاكت څخه.
مقصد دا دى، چې د اسلام د دين په نشتوالي كې ټول بشريت د هلاكت د كندې پر غاړه ولاړ و، په دغه ارشاد كې له اسلام څخه دمخه ټول بشريت ته خطاب دى، چې زموږ ستر واكمن د اسلام رااستول په هغوى احسانوي او هغوى ته د اسلام د دين ارزښت بيانوي، نو په همدې ډول په زرګونو نقلي دلايل او شرعي سندونه شته دي، چې د اسلام دين د بشريت د ژغورنې دين دى، د سولې او امن دين دى، چې ټول بشريت ته د سر، مال او ټولو اړونده حقوقو تضمين وركوي او په واقعي ډول د اسلام د دين پيروان سوچه او سپېڅلي انسانان دي، چې هېچا ته ترې ضرر نه واقع كېږي، چې د هغوى اسلامي ارزښتونه له تېري او ظلم څخه خوندي وي او په لوى لاس څوك مسلمانان او د اسلام دين پيروان دې ته مجبور نه كړي، چې د خپل اسماني دين اصول پلي كړي لكه په بل ځاى كې چې اللهج فرمايي:
فَږِن قَاتَلُوكُمْ فَاقْتُلُوهُمْ.
ژباړه: كه چېرته تاسې څوك وژني مسلمانانو، نو پس تاسې دوى مړه كړئ.
مطلب دا، چې تاسې بيا د امن وضع دې ته مه پرېږدئ، چې څوك ورپكې ګډوډي پيدا كړي او ستاسې د ژوندانه چارې بې امنه كړي. په داسې حال كې تاسې د هغوى په مقابل كې اقدام وكړئ ار پر ځمكه باندې بېرته سوله ټينګه كړئ او شر اچوونكي او فساد جوړوونكي ختم كړئ.
بيا هم ويلاى شو، چې په نړۍ كې د امن، سولې او ارامۍ لپاره د اسلام له دين پرته بل اوچت شعار، قانون او كړنلاره نشته دى، يواځې اسلام دين د امن او سولې دين دى.
- عرفان الله كوټوال -

 بېرته شاته

Poetry & Literature       Condolence_Messages       Funeral & Condolences       Contact       Articles_in_Media       Web_Radio_Links       Websites

ساه مې واخله خو پښــتو رانه وانه خلی      زه پښــتون یم په پښـتو باندې پتمن یم      كه زما ستوري په قبر چېرې راشې      په پښتو راته دعا كړه پرې مېن يم


Sah Mee Wakhla Kho Pokhto Rana Wanakhle      Ze Pakhtoon Yem Pa Pokhto Bandey Patman Yem      Ke Zma Stori Pa Qabar Tscheri Rashey      Pa Pokhto Rata Dua Kawa Prey Main Yem

Chief Admin/Editor :  Emal Stori  => emalstori@gmail.com     Copyright © 2006 - 2016     kabirstori.com     All  Rights  Reserved     Khost-Web.Net-Stori    


      ويکيپېډيا   =>  ډاکټر کبير ستوری     For Site Best View, Please  =>   Download-Pashto-Fonts    PSDP  =>  pashtoonkhwa.com    Wikipedia  =>  Kabir-Stori