Dr. Kabir Stori ډاکتر کبیر ستوری
News Biography Books Publications Visits & Meetings Speeches Music Images Stori_Magazine Qur'an_Sharif Memories Articles Poetry

دلوی، مهربان او بخښونکي خدای پاک په نامه      د ارواښاد ډاکتر کبير ستوري انټرنيټي ديری ته هرکله راشۍ

نس ناسته Diarhea






نس ناسته په ماشومانو كې د مړينې دويم عمده علت تشكيلوي، چې د بدن د اوبو او مالګو د ضاېع كېدو
امله رامنځته كېږي او همدارنګه د سوتغذي (خوارځواكۍ) لامل هم كېږي.
نس ناسته د نري (ابګين) غايطه موادو خارجېدو ته وايي، چې په ماشومانو كې يو معمول افت دى. يو ماشوم په كال كې د (3_5) د نس ناستې حملې تېروي. څرنګه چې په نس ناستې كې د مړينې واقعات ډېر زيات وي، نو يو شمېر ډېرې ساده لارښوونې كولاى شي د مړينې كچه راټيټه كړي، خو له بده مرغه ددې پرځاى چې د ناروغ ماشوم ضايع شوې اوبه او مالګې جبران شي، نس ناستې په يوه غلط مېتود د انتي بيوتيكو او نورو دواګانو له لارې درملنه كېږي، چې دا كار په يوه رواج بدل شوى دى او د ناروغ ماشوم د والدينو له خوا هم قابل د قبول ګرځي.
نس ناسته اكثراً د ګرمۍ په موسم كې چې د مكروبونو د ودې لپاره مساعد شراېط برابروي رامنځته كېږي، نوك ه چېرې په دې موسم كې اوبه او غذا له صحي شراېطو سره سم تهيه نه شي د نس ناستې لامل كېږي او همدارنګه تجربو ښودلې ده، هغه ماشومان چې د مور د شېدو په ذريعه نه تغذي كېږي، د هغو ماشومانو په پرتله چې د مور شېدې خوري، زيات په ناروغۍ اخته كېږي.
همدارنګه نوموړې ناروغۍ د يوې ټولنې له اقتصادي او اجتماعي شراېطو سره نژدې اړيكې لري، خو اكثراً ساده روغتيايي تعليمات ډېرې ښې نتيجې وركوي.
د نس ناستې لاملونه او د منځته راتلو مېكانېزم:
تقريباً په سلو كې (80) د ناروغۍ سبب ډول ډول ويروسونه او باقې پاتې يې بكترياوې، پرازيتونه او نور عوامل دي. د كولمو په جدار (ديوال) كې چې د مخاطې طبقې په ذريعه پوښل شوى ده، د Enterocyte په نوم حجرات موجود دي، چې وظيفه يې د غذايي موادو جذب او د مايعاتو افراز دى. كله چې دغه حجرات د ويروسونو په ذريعه په مستقيم ډول او د بكترياو د زهري موادو چې د Enterotoxin په نوم يادېږي، تخريبېږي، چې له تخريب شوو حجراتو څخه په زيات مقدار مايعات د كولمو داخل ته تويېږي، چې دغه عمل د افراز د زياتوالي (Hypersecretion) په نوم يادېږي. دغه نوموړي تخريب شوي حجرات په باالنفسهي ډول د (2_4) ورځو په موده كې ترميم كېږي، چې ورسره نس ناسته هم توقف كوي، خو دغه عمليه په سوتغذي ماشومانو كې ځنډېږي.
په نس ناستې كې عمده خطرات:
1_
له بدن څخه د اوبو ا ومالګې ضايع
2_
سوغذي
3_
له ډكو متيازو سره د وينې خارجېدل او Sepsis او وينې جريان ته د مكروب داخلېدل او تكثر يا زياتېدل.
د ناروغ ماشوم ارزيابي:
داخلي تاريخچه:
_
د ناس ناستې دوام د څومره مودې لپاره دى؟ او حاد دى كه مزمن (دوامدار) دى.
_
اّيا په ډكو متيازو كې وينه موجوده ده.
_
د ماشوم عمومي وضع څرنګه ده.
_
اّيا چمښلې شي.
_
ايا ماشوم خوبوړى دى
_
اّيا اختلاجات (چاړان) موجود دى
_
اّيا نور مشكلات ورسره يوځاى دي
_
تبه
_
ټوخى
_
د غوږ درد
چې دا ټول د نس ناستې سبب كېداى شي.

نور په بله ګڼه كې

- ډاكتر نصر الله ناصر -

 بېرته شاته

Poetry & Literature       Condolence_Messages       Funeral & Condolences       Contact       Articles_in_Media       Web_Radio_Links       Websites

ساه مې واخله خو پښــتو رانه وانه خلی      زه پښــتون یم په پښـتو باندې پتمن یم      كه زما ستوري په قبر چېرې راشې      په پښتو راته دعا كړه پرې مېن يم


Sah Mee Wakhla Kho Pokhto Rana Wanakhle      Ze Pakhtoon Yem Pa Pokhto Bandey Patman Yem      Ke Zma Stori Pa Qabar Tscheri Rashey      Pa Pokhto Rata Dua Kawa Prey Main Yem

Chief Admin/Editor :  Emal Stori  => emalstori@gmail.com     Copyright © 2006 - 2016     kabirstori.com     All  Rights  Reserved     Khost-Web.Net-Stori    


      ويکيپېډيا   =>  ډاکټر کبير ستوری     For Site Best View, Please  =>   Download-Pashto-Fonts    PSDP  =>  pashtoonkhwa.com    Wikipedia  =>  Kabir-Stori