Dr. Kabir Stori ډاکتر کبیر ستوری
News Biography Books Publications Visits & Meetings Speeches Music Images Stori_Magazine Qur'an_Sharif Memories Articles Poetry

دلوی، مهربان او بخښونکي خدای پاک په نامه      د ارواښاد ډاکتر کبير ستوري انټرنيټي ديری ته هرکله راشۍ

د ارواښاد کبير ستوري «ژوندی یادونه» ټولګه چاپ شوه

دا کتاب دارواښاد ډاکتر کبير ستوري د یاد غونډو د مقالو، ویناوو، شعرونو او پیغامونو ټولګه ده چی دلری او بری پښتونخوا د(90) کسانو لیکوالانو، سیاستوالو ، ادیبانو او پوهانو ،لیکنی او شعرونه او د اتلسو (18) سیاسی او ادبـی ټولنو پیغامونه پکی د پښتونخوا پوهنی دیری له خوا په دریو څپرکو کی چی(368) مخونه لري، د دانش خپرندويې ټولنې لخوا چاپ شوی.

د پښتونخوا د پوهنی دیری لخوا دکتاب په لنډه سريزه کی راغلی:

د نړۍ پرمخ ډېر انسانان ژوند کوي او ټول د يوه خالق زېږنده دي، خو په دغه انسانانو کې هم توپير شته. څوک شپه او ورځ د قوم او ملت په غم کې ډوب وي، څوک ځان جوړوي او څوک جهان جوړوي، لکه الفت صيب چې وايي:

ډېر تفاوت شته په انسان کې د مانا په لحاظ
واړه لګيا دي ځينې ځان ځينې جهان جوړوي



ارواښاد ډاکتر کبير ستورى د پښتو د اسمان هغه ځلنده ستورى و، چې رڼا يې په ټول جهان خوره وه. ددغه روڼ او روښانه ستوري د رڼا پلوشې په هر لوري خورې وې، که د هغه د ژوند پر هر اړخ موږ څه ليکو، نو کتابونه به پنډ او د قلم خېټه به تشه شي، خو د هغه حق به ادا نه شي.
موږ يواځې کوښښ کړى، چې د پښتو او پښتونولۍ مئينانو ته د ارواښاد مينه ورورسوو. د 2007م کال د اپريل په څلورمه نېټه د کونړ مېشتو فرهنګيانو او د کونړ د شاعرانو، اديبانو او ليکوالانو په نوښت د کونړ ولايت په مرکز اسداباد کې د ارواښاد ستوري په ياد يوه درنه غونډه جوړه شوې وه.
همدارنګه د 2007م کال د اپريل په 13مه نېټه د پېښور په پريس کلب کې د پښتو عالمي کانګرس او غني خان ادبي څېړنيز مرکز له خوا د محترم پروفيسر جهانزېب نياز په کوربه توب د ارواښاد ډاکتر کبير ستوري په ياد يوه درنه غونډه جوړه شوې وه او بيا د 2007م کال د جون په 8مه نېټه د پښتنو د ټولنيز ولسوليز ګوند له خوا په جرمني کې يوه لويه او پرتمينه غونډه جوړه شوې وه، چې د پښتون قامي وحدت ستر لارښود محمد افضل خان لالا په خصوصي بلنه دغې غونډې ته ورغلى و.
مونږ ددغه درېواړو غونډو ويناوې، مقالې، ليکنې او شعرونه په دې کتاب کې راغونډ کړي دي، خداى دې وکړي چې ټول پښتون قام او د ارواښاد ډاکتر کبير ستوري مينه وال ترې ګټه واخلي.


په درنښت
د پښتونخوا د پوهنې دېره
پېښور، پښتونخوا



مينه وال يې په لره او بره پښتونخوا کې له کتاب پلورنځیو او اخبار پلورنځیو څخه ترلاسه کولای شی. دا کتاب د ارواښاد ډاکتر کبیر ستوری په انټرنيټي دير ه kabirstori.comکی هم لوستلای شۍ
په درناوی







- -

 بېرته شاته

Poetry & Literature       Condolence_Messages       Funeral & Condolences       Contact       Articles_in_Media       Web_Radio_Links       Websites

ساه مې واخله خو پښــتو رانه وانه خلی      زه پښــتون یم په پښـتو باندې پتمن یم      كه زما ستوري په قبر چېرې راشې      په پښتو راته دعا كړه پرې مېن يم


Sah Mee Wakhla Kho Pokhto Rana Wanakhle      Ze Pakhtoon Yem Pa Pokhto Bandey Patman Yem      Ke Zma Stori Pa Qabar Tscheri Rashey      Pa Pokhto Rata Dua Kawa Prey Main Yem

Chief Admin/Editor :  Emal Stori  => emalstori@gmail.com     Copyright © 2006 - 2016     kabirstori.com     All  Rights  Reserved     Khost-Web.Net-Stori    


      ويکيپېډيا   =>  ډاکټر کبير ستوری     For Site Best View, Please  =>   Download-Pashto-Fonts    PSDP  =>  pashtoonkhwa.com    Wikipedia  =>  Kabir-Stori