Dr. Kabir Stori ډاکتر کبیر ستوری
News Biography Books Publications Visits & Meetings Speeches Music Images Stori_Magazine Qur'an_Sharif Memories Articles Poetry

دلوی، مهربان او بخښونکي خدای پاک په نامه      د ارواښاد ډاکتر کبير ستوري انټرنيټي ديری ته هرکله راشۍ

د ډاكتر كبير ستوري په مړينه د مختلفو تنظيمونو او شخصياتو غمرازي

ورځپاڼه وحدت: 16 اپريل 2006:

پېښور (وحدت خبر) جرمني كې مېشت د پښتو ژبې د نامتو ليكوال، شاعر، ماهر نفسيات، سياست دان او د پښتنو د حقوقو مبارز ډاكتر كبير ستوري په مرګ ټول پښتانه په ځانګړې توګه اديبان او شاعران زيات غمجن شوي دي. د كامل پښتو ادبي جرګې پېښور صدر ډاكتر شېر زمان طاېزي او نورو ملګرو د ډاكتر كبير ستوري په ناڅاپي مړينه د ژورې خواشينۍ څرګندونه كړې او د نوموړي مړينه يې د پښتو ادب او ژبې لپاره يوه ستره ضايعه ګڼلې ده. دوى دعا كړې ده، چې خداى پاك دې د مرحوم مغفرت نصيب كړي.
بل خوا افغان خپرندويې ټولنې پېښور هم د ډاكتر كبير ستوري په مړينه ژور خپګان څرګند كړى او ويلي يې دي، چې نوموړي د پښتو ژبې او ادب لپاره په زړه پورې خدمات ترسره كړي دي. نوموړي نه يوازې پخپله د پښتو ستر خدمت كړى، بلكې نور پښتانه يې هم د پښتو خدمت ته هڅولي دي. دوى دعا كړې ده، چې خداى پاك دې د مرحوم مغفرت او غمجنې كورنۍ ته د زړه صبر نصيب كړي.
د عالمي پښتو كانګرس د غمرازۍ غونډه د كانګرس د چيرمين پروفيسر جهانزيب نياز په صدارت كې وشوه. غونډه كې په جرمني كې مېشت د پښتو د لوى خدمتګار، شاعر او ليكوال ډاكتر كبير ستوري په مړينه د ډېر غم او خپګان څرګندونه وكړى شوه. په غونډه كې وويل شول، چې مرحوم په جرمني كې د پښتون سوشل ډيموكراټيك پارټۍ باني و. د مرحوم له خوا دويم پښتو عالمي كانفرنس او د عالمي پښتو كانګرس په سيمينارونو كې شركت له پښتو ژبې سره د مينې يو ښكاره ثبوت دى. د عالمي پښتو كانګرس ټولو عهده دارانو د مرحوم له كورنۍ سره د همدردۍ اظهار كړى دى.
د پښتون ډيموكراټيك كونسل چيرمين زرعلي موسى زي په خپل يو اخباري بيان كې د ډاكتر كبير ستوري په مړينه غمرازي ښكاره كړې او ويلي يې دي، چې ډاكتر صيب د پښتنو نه هېرېدونكى مبارز و. د پښتون وحدت لپاره د خداى بښلي خدمات د هېرولو نه دي. دده له مړينې سره پښتنو ليكوالانو ته سخته صدمه رسېدلې ده. ده د خداى بښلي له كورنۍ سره د غمرازۍ څرګندونه كړې ده.
----------------------


د ډاكتر كبير ستوري په مرګ د مختلفو سياسي او ادبي مشرانو غمرازي


د افغانستان ستر دانشور، سياسي او سماجي شخصيت ډاكتر كبير ستورى په جرمني كې په حق رسېدلى دى. دده په مرګ ګڼو سياسي او ادبي مشرانو د غمرازۍ څرګندونه كړې ده او دده كور راحت اباد پېښور ته د غمرازۍ لپاره تللي دي، چې په دغه مشرانو كې د اى.اين.پي ستر مشران افضل خان لالا، حاجي غلام احمد بلور، ميا افتخارحسين، بشير احمد بلور، د اكاډمي ادبيات ډايريكټر سيد ولي خيال، د ريډيو پاكستان كوهاټ ډايريكټر لايق زاده لايق، د افغان قونسلګرۍ نماېنده احمد سعيد سعيدي او محمد ظاهر بابري، د ريډيو پاكستان پېښور ډيپټي كنټرولر لياقت سيماب، پروګرام منيجر عنايت الله ضيا، د پښتو ژبې ليكوالان سليم راز، اباسين يوسفزي، ډاكتر راجولي شاه خټك، ډاكتر شاه جهان سيد، د پښتونخوا ملي عوامي پارټۍ ارباب مجيب خان او نورو ګڼ شمېر سياسي او ادبي مشران د ډاكتر كبير ستوري كور ته لاړل او مرحوم ته يې د مغفرت دعا وكړه. نوموړو مشرانو د كبير ستوري خدمات وستايل او كورنۍ ته يې ددغه ستر غم د برداشت او حوصلې تسلي وركړه.
- -

 بېرته شاته

Poetry & Literature       Condolence_Messages       Funeral & Condolences       Contact       Articles_in_Media       Web_Radio_Links       Websites

ساه مې واخله خو پښــتو رانه وانه خلی      زه پښــتون یم په پښـتو باندې پتمن یم      كه زما ستوري په قبر چېرې راشې      په پښتو راته دعا كړه پرې مېن يم


Sah Mee Wakhla Kho Pokhto Rana Wanakhle      Ze Pakhtoon Yem Pa Pokhto Bandey Patman Yem      Ke Zma Stori Pa Qabar Tscheri Rashey      Pa Pokhto Rata Dua Kawa Prey Main Yem

Chief Admin/Editor :  Emal Stori  => emalstori@gmail.com     Copyright © 2006 - 2016     kabirstori.com     All  Rights  Reserved     Khost-Web.Net-Stori    


      ويکيپېډيا   =>  ډاکټر کبير ستوری     For Site Best View, Please  =>   Download-Pashto-Fonts    PSDP  =>  pashtoonkhwa.com    Wikipedia  =>  Kabir-Stori