Dr. Kabir Stori ډاکتر کبیر ستوری
News Biography Books Publications Visits & Meetings Speeches Music Images Stori_Magazine Qur'an_Sharif Memories Articles Poetry

دلوی، مهربان او بخښونکي خدای پاک په نامه      د ارواښاد ډاکتر کبير ستوري انټرنيټي ديری ته هرکله راشۍ

ستوری که لاړ

خو لار ئې روښانه پریښوده

کبیر ستوری د پښتونخوا د هغو شخصیتونو د ډلی څخه دی چې خپل ټول ژوند ئې د پښتون / افغان قوم د یووالي ، سوکالۍ ، او بیداري په لار کې وقف کړی وو. ډیر ځوانان چې کله د تعلیم د حاصلولو په وخت کې وي نو د خپل راتلونکی ژوند د ښه کیدو لپاره د مسلک په انتخاب کې وی. خو ځینی کسان داسی هم وی چې د هماغه وخت څخه د قوم او وطن د سوکالی او ابادي غم ورسره وی، چې یو د هغو کسانو څخه خدای بخښلی ستوری وو.
زما یاد شي چې هماغه د لیسی د تعلیم د وخت څخه به ئې داویل چې د پښتون قوم غم باید وخوړل شي او دا لر اوبر محروم اولس د ټولو نعمتونو څخه باید خپله لاره پیدا کړی تر څو ددغه بدمرغیو څخه ځانونه وژغوری. خدای بخښلی د هماغه وخت څخه ددغو لارو په لټه او فکر کې وو. د تعلیم د حاصلولو په لار کې د هیواد څخه ډیر لری لاړو او مسافر شو، د دنیا د پر مخ تللو هیوادونو څخه په یو هیواد کې میشته شو چې د ژوند ټولی اسانتیا وی درلودي ، خو ده خپله پښتونخوا هیره نکړه او لا په دغه فکرنو او سوچونو کې شو چې کله به خپله پښتونخوا او خپل قوم د غسی اباد او سوکاله اووینی ، نو دغی هوډ ته درسیدو لپاره دي نتجی ته ورسید: چې د ټولو کامیابیو حاصلول په یووالي او اتفاق سره لاس ته راتلا شي. خپل تعلیم ئې اخری درجی ( P.H.D ) پوری سر ته ورساوه.
او بیا خپل ټول ( معنوی او مالی ) امکانات ئې د دغه مقدس هدف ( د لر او بر پښتون /افغان ) قوم د یووالی او بیداري د پاره پکار واچول او په دغه لار کې ئې ډیر تکلیفونه ، ربړونه وګالل د بندیخانی سکنجی او زجرونه هم تیر کړل خو د خپل دغه مقدس هدف او لاري څخه په شا نه شو او خپل کوښښ او زیار ئې لا ورپسی زیات کړ. څرنګه چې دی په دغه لار کې ډیر په اخلاص او صداقت شپه او ورځ ځان یوه کړی وه نو هماغه وو چې ډیر څه ئې په لاس راوړل په خپل ژوند ئې هم د خپلو هلو ځلو او کوښښونو نتیجه ولیده او په مرګ ئې مونږ د هغه خدای بخښلی د هلو ځلو ثمر ولیده ، چې لر او بر پښتون پری یو شان اوښکی توی کړی چې د ډیرو کمو خلکو په نصیب کیږی.

چــې پــیــدا شــوی تــــا ژړل نـــورو خــــنـدا کــړه
داســی مــړ شــه چــې نــور ژاړی او تــه خــاندي


اوس نو ټول پښتون / افغان قوم ته په پکار دی چې کومه لاره چې هغی خدای بخښلی مونږ ته روښانه کړی او هواره کړی په هغه لار لاړ شو او د هغه مرحوم او د ټولو احساس خاوندانو پښتنو ارمان تر سره کړو. نو دا توفیق دی خدای ( ج ) د هغی د کورنی د غړو او بیا د ټولو پښتنو نصیب کړی.
د مرحوم روح دی ښاد وی ، او جنت فردوس دی نصیب شی.

امین یارب المعالمین



يادونه : دا ليکنه د ډاکتر کبیر ستوري « ژوند او مبارزه » په نوم کتاب كې، چې د پښتونخوا د پوهنې د دېرې لخوا د 2007ع کال د مارچ په مياشت كې چاپ شوې دی ، خپره شوې ده.

محمد حسن شیرزاد
د امريكا په شمالي كليفورنيا كې د افــغـانـي كلـتـوري ټولـنـې مشر
Mohammad Hassan Sherzaad
Chairman of Afghani cultural Association California USA
- محمد حسن شېرزاد -

 بېرته شاته

Poetry & Literature       Condolence_Messages       Funeral & Condolences       Contact       Articles_in_Media       Web_Radio_Links       Websites

ساه مې واخله خو پښــتو رانه وانه خلی      زه پښــتون یم په پښـتو باندې پتمن یم      كه زما ستوري په قبر چېرې راشې      په پښتو راته دعا كړه پرې مېن يم


Sah Mee Wakhla Kho Pokhto Rana Wanakhle      Ze Pakhtoon Yem Pa Pokhto Bandey Patman Yem      Ke Zma Stori Pa Qabar Tscheri Rashey      Pa Pokhto Rata Dua Kawa Prey Main Yem

Chief Admin/Editor :  Emal Stori  => emalstori@gmail.com     Copyright © 2006 - 2016     kabirstori.com     All  Rights  Reserved     Khost-Web.Net-Stori    


      ويکيپېډيا   =>  ډاکټر کبير ستوری     For Site Best View, Please  =>   Download-Pashto-Fonts    PSDP  =>  pashtoonkhwa.com    Wikipedia  =>  Kabir-Stori