Dr. Kabir Stori ډاکتر کبیر ستوری
News Biography Books Publications Visits & Meetings Speeches Music Images Stori_Magazine Qur'an_Sharif Memories Articles Poetry

دلوی، مهربان او بخښونکي خدای پاک په نامه      د ارواښاد ډاکتر کبير ستوري انټرنيټي ديری ته هرکله راشۍ

د اسمان ستورى

څه له پاسه شپیته کاله وړاندی د کایناتو څښتن د پښتنی خاوری پر آسمان یو ستوری وځلاوه. داسی ښکاریده چې د پښتون قوم په بی شمیره بدمرغیو د لوی رب زړه هم دردیدلی وي او هوډ ئې کړی وي چې ددغه قوم ددغه تیاره ژوند د روښانه کولو لپاره د یو رڼا ستوری شتون ته اړتیا ده.

نو ځکه خو ئې د « ستوری » په زړه کې لومړی د ښکلا او انسانیت سره یوه لیونۍ مینه پیدا کړه، په پښتو او پښتونولی ئې مین کړ، بیا ئې ورته د پښتون قوم او پښتو ژبی د چوپړ لپاره د همت مټی داسی غښتلی کړی چې پدغه لار کې کلونو کلونو منډو ترړو ستړی نه کړ، د وخت ناخوالو د ډیرو ازموینو سره مخ کړ خو ارادی ئې بدلی نه شوی، پدغه لار کې ئې هر بار ته اوږه ورکړه خو چا تری د ستومانۍ غږ وانه ورید، د پښتون قوم هر غم ته ئې په زړه کې ځای ورکړ او د هغوی هر درد دردمن کړ خو چا تری د پښیمانۍ خبره وانه وریده .
او همدغسی پخپله لار روان او په خپله خبره ولاړ پاتی شو.

لـویـه ربـه پــښتانــه کــــــه زیــــږوی په دغــه خــــاوره
نــو کــبـــیر غــونـــــــدی ایـــــمــان هــــم ورتـــه ورکـــړه


لویه ربه له تا څخه په بار بار مننه کوو چې د پښتون قوم په بدمرغیو ورحمیدی او د تیاره ژوند د روښانه کولو لپاره دی ورته کبیر ( ماما ) وزیږوه او د پښتون آسمان ستوری دی تری جوړ کړ.
خــو ای ربه نن لکه د خپل هوډ څخه پښیمانه شوی ؟
نن دی لکه چې زمونږ څخه د رحم او رحمت مخ بیرته واړوه ؟
نن دی لکه چې په پښتون قوم بیا ستا د غضب وار راغلی دی ؟
زما د قوم په ژوند خو لا تیارو منګولی خښی پاتی دی، زمونږ په کور کې خو لا د ژړا ګانو اوازونه ستا د هسک غوږونه اوس هم کڼوی، زمونږ د کلی کوڅی خو لا اوس هم زمونږ د بچیو په وینو هره ورځ منیځل کیږی او زمونږ د کلی په ګودر کې خو لا اوس هم د پیغلوټو ټپه په پښتو نه ده اوښتی نو زمونږ له آسمانه ستوری ولی غورځوی ؟
لویه ربه ستا په رضا کې خو څه نشم ویلی خو ددی ګیلی اجازه راکړه چې ستوری دی زمونږ له سره ډیر ژر واخیست.
ستوری ماما زما لپاره تل ژوندی ئې .



يادونه : دا ليکنه د ډاکتر کبیر ستوري « ژوند او مبارزه » په نوم کتاب كې، چې د پښتونخوا د پوهنې د دېرې لخوا د 2007ع کال د مارچ په مياشت كې چاپ شوې دی ، خپره شوې ده.

ډاکـــتـــر شــیــر ولــی شــیــر
دپښتنو ټولنیز ولسولیز ګوند (PSDP) د دارالانشاه غړی
Dr. Shir Wali Shir
Member of Central Committee of Pashtoons Social Democratic Party
- ډاکتر شیرولی شیر -

 بېرته شاته

Poetry & Literature       Condolence_Messages       Funeral & Condolences       Contact       Articles_in_Media       Web_Radio_Links       Websites

ساه مې واخله خو پښــتو رانه وانه خلی      زه پښــتون یم په پښـتو باندې پتمن یم      كه زما ستوري په قبر چېرې راشې      په پښتو راته دعا كړه پرې مېن يم


Sah Mee Wakhla Kho Pokhto Rana Wanakhle      Ze Pakhtoon Yem Pa Pokhto Bandey Patman Yem      Ke Zma Stori Pa Qabar Tscheri Rashey      Pa Pokhto Rata Dua Kawa Prey Main Yem

Chief Admin/Editor :  Emal Stori  => emalstori@gmail.com     Copyright © 2006 - 2016     kabirstori.com     All  Rights  Reserved     Khost-Web.Net-Stori    


      ويکيپېډيا   =>  ډاکټر کبير ستوری     For Site Best View, Please  =>   Download-Pashto-Fonts    PSDP  =>  pashtoonkhwa.com    Wikipedia  =>  Kabir-Stori