|
||||||||||||||||||||||
|
|||||||||
|
|
||||||||
ښاغلى ارواښاد ډاکټر کبير ستورى د لعل محمد خان زوى او د برى پښتونخوا د کنړونو ولايت د خاص کنړ ولسوالۍ د تنر په کلي کښې په ١٣٢١هـ ش کال کښې زيږيدلى دى ابتدايې زده کړې يې د خپل کلي په لومړنيو ښوونځيو کښې تر سره کړي . ثانوي زده کړو له پاره کابل ته لاړ او په کابل کښې يې د رحمان بابا د عالي لسې د دولسم ټولگي څخه فارغ شو په کال ١٩٦٤کال کښې د افغان دولت له خوا د لوړو زده کړو له پاره جرمنې ته لاړ او هلته يې د خپل شوق سره سم د ساپوهنې يعنې سيکالوژي کښې دوکتوره وکړه او په ډاکټر ونومول شو.
ښاغلي ډاکټر کبير ستوري په کال ١٩٦٥په جرمنې کښې د افغان سټوډينس اسيوشن په نامه تيږه کېښوده او په لومړې ځل يې په جرمنې کښې خواره واره افغان زده کوونکي په يو ملي بيرغ لاندې راټول کړل . په کال ١٩٧٢ کښې يو بل تنظيم د جرنل يونين اف افغان سټوډينس مشري په سر واخيسته او ورځ په ورځ به ورسره د خلکو ملاتړ زياتي ده. همدارنگه ډاکټر کبير ستوري په کال ١٩٧٣ کښې د المان غږ راډيو په پښتو ځانگه کښې دنده ترسره کولو پايل وکړ او تر مرگ د روستې شېبې پورې يې د المان غږ راډيو کښې يې په پښتو ژبې نطاقي کوله .
دغه ټولې مجلې له جرمني څخه خپريږي او تر دا دمه جريان لري . د يادونې وړ ده ، چې اوس مهال د ستوري په نامه يوه مجله د کنړ د سيمې څخه هم خپريږي .
ډاکټر کبير ستوري په زړه ډير ارمانونه له ځان سره يوړل ،چې يو ارمان يې د پښتنو يوالى د پښتنو سر لوړې او د پښتنو ته د هغوى حق ورکول و. ښاغلى کبير ستورى ٥ زامن لري ،چې مشر زوى يې بصير ستورى،نصير ستورى،اميرکروړ ستورى، نسيم خان ستورى او ايمل خان ستورى نوميږي د نوموړي څلور زامن په جرمني دي ،چې دا مهال په جرمنې په لوړو زده کړو بوخت دي او د خپل پلار پلانونه هم پر مخ بوځي .
بېرته شاته|
Poetry & Literature Condolence_Messages Funeral & Condolences Contact Articles_in_Media Web_Radio_Links Websites |
|
Chief Admin/Editor : Emal Stori => emalstori@gmail.com Copyright © 2006 - 2023 kabirstori.com All Rights Reserved Khost-Web.Net-Stori |
|
ويکيپېډيا => ډاکټر کبير ستوری For Site Best View, Please => Download-Pashto-Fonts PSDP => pashtoonkhwa.com Wikipedia => Kabir-Stori |