Dr. Kabir Stori ډاکتر کبیر ستوری
News Biography Books Publications Visits & Meetings Speeches Music Images Stori_Magazine Qur'an_Sharif Memories Articles Poetry

دلوی، مهربان او بخښونکي خدای پاک په نامه      د ارواښاد ډاکتر کبير ستوري انټرنيټي ديری ته هرکله راشۍ

سیاسی اوعلمی شخصیت

بسم الله الرحمن الرحیم
لومړی خو د نننۍ غونډی تنظیمونکو ، زحمتګالونکو نه مننه کوو چې په دغسی حالاتو کې یی دا زمینه مساعده کړه چې مونږه او تاسو ټول په همدغه یو ځای راغونډ شولو او د خپل یو سیاسی ، علمی او ادبی شخصیت نمانځنه کوو. وخت اخر دی خبری ډیر نه اوږدو، فقط د غونډی په جریان کې زما یو څو خبرو ته پام راوښتی دی، دا تاسو سره شریکول غواړم .
په ډیرو ځایونو کې د ارواښاد ډاکتر کبیر ستوری په شعرونو کې یا په نثر کې ډیر زیات د قوم یا د قام کلیمه راځی ارواښاد ډاکتر کبیر ستوری علمی شخصیت ؤ، د هغه کارونه علمی او سیستماتیک ؤ، په دې مانا چې مونږه او تاسو قوم په کومه مانا پیژنو، ارواښاد ستوری قوم په هغه مانا نه پيژانده. هغه قوم د نړیوالو معیارونو سره سم په هم هغه مانا پیژندلی ؤ.
که د ډاکتر کبیر ستوری په پيژندګلوی کې د میردادخيل کلیمه ذکر شوی وی یا د يوسفزی کلیمه ذکر شوی وی، دا د دی مانا نلری چې هغه په قوم میردادخیل یا یوسفزی ؤ. د سترو اشخاصو مفکوری هم ستری وی هغه قوم یواځی او يواځی هغه ولس ته ويل چې هغه په پښتو ژبه ګړیږی، پښتو ئې ژبه ده ،پښتو ئې کولتور دی او پښتو ئې فرهنګ او ایین دی .
يو شمیر خلک د قوم هغه اصلی ساحه ډیره را محدوده وی. که دا اوس مونږه پدی ناستوکسانو کې د چا نه پوښتنه وکړو چې «قوم»،نو هغه به درته ووائی چې «قوم»، ساپی ،وردګ ، سلیمان خيل او داسی نور ....
د ارواښاد کبیر ستوری په وړاندی باندی قوم يواځی او يواځی پښتون ؤ. هغه د دغه قوم یو کیدل غوښتل څه که بر پراته دی او څه که لر پراته دی.
بله خبره داده چې تقریباء دلته زیاتی خبری په دی وشوی چې ارواښاد کبیر ستوری یو شاعر ، لیکوال ، ژورنالست او یو فرهنګپال ؤ. دا خبره په خپل ځای سمه ده لیکن ددی تر څنک ارواښاد ډاکتر کبیر ستوری یو ستر علمی شخصیت هم ؤ.مونږ ته دی خدای ( ج ) دا توان را په برخه کړی، دی ملګرو ته دی خدای ( ج ) دا توان ورکړی چې ددی نه پس ډیری ښی درنې غونډی جوړی کړو او د ارواښاد ډاکتر کبیر ستوری د شخصیت ټول اړخونه راوسپړو او ټول ورسره اشنا شو .
یوه خبره چې دلته مخکی څو ملګرو یادونه هم وکړه تر اوسه پوری د ارواښاد کبیر ستوری د اثاروپه باب حتی هغه خلک چې د هغو کاروبار هم ادب او فرهنګ دی د هغه د اثارو په اړه ډیر مالومات نه لری، کیدای شی ډیرو محدودو کسانو ته د هغه اثار رسیدلی وی. اوس زمونږ سره دهغه راپاتی نښی یا د هغه زامن دی، د دوۍ نه زمونږ غوښتنه دا ده چې د ارواښاد ټول اثار په خورا ښه صحافت باندی چاپ کړی او ټولنی ته ئې وړاندی کړی چی د هغه اثار ضایع نه شی.
په اخر کې یو ځل بیا مننه کووچی په دغه غونډه کې تاسو له مونږ سره ګډون وکړو،خدای ( ج ) تاسو ټولو ته اجرونه در کړی .


يادښت : دا وینا د 2007ع کال د اپريل د مياشتی په څلورمه نېټه د ارواښاد ډاكتر كبير ستوري د لومړي تلين په نمانځغونډه كې، چې د كونړ مېشتو فرهنګيانو په نوښت د کونړ ولایت په مرکز اسعد اباد كې جوړه شوې وه، اورول شوې ده او د ډاکتر کبیر ستوري « ژوندی یادونه » په نوم کتاب كې، چې د پښتونخوا د پوهنې د دېرې لخوا د 2008ع کال د اپریل په مياشت كې چاپ شوې دی ، خپره شوې ده.



عبدالقیوم زاهد مشواڼی
ليكوال، څېړونکی، دعلومو د اکاډمۍ غړی، د دوه میاشتنۍ « ستوری » مجلی سلا کار
Abdul Qayum Zahid Mashwani
Prominent Writer, Researcher
- عبدالقیوم زاهد مشواڼی -

 بېرته شاته

Poetry & Literature       Condolence_Messages       Funeral & Condolences       Contact       Articles_in_Media       Web_Radio_Links       Websites

ساه مې واخله خو پښــتو رانه وانه خلی      زه پښــتون یم په پښـتو باندې پتمن یم      كه زما ستوري په قبر چېرې راشې      په پښتو راته دعا كړه پرې مېن يم


Sah Mee Wakhla Kho Pokhto Rana Wanakhle      Ze Pakhtoon Yem Pa Pokhto Bandey Patman Yem      Ke Zma Stori Pa Qabar Tscheri Rashey      Pa Pokhto Rata Dua Kawa Prey Main Yem

Chief Admin/Editor :  Emal Stori  => emalstori@gmail.com     Copyright © 2006 - 2016     kabirstori.com     All  Rights  Reserved     Khost-Web.Net-Stori    


      ويکيپېډيا   =>  ډاکټر کبير ستوری     For Site Best View, Please  =>   Download-Pashto-Fonts    PSDP  =>  pashtoonkhwa.com    Wikipedia  =>  Kabir-Stori